La orchestre dai zovins e torne a Pordenon

Il sunôr de Gustav Mahler Jugendorchestar al torne tal Teatri “Verdi” a Pordenon. Daspò dai siei concierts e de sô residence estive, la plui prestigjose orchestre di zovins de Europe e torne a saludâ il public de citât cuntun apontament programât par domenie ai 8. La serade e presentarà dôs oparis mestris dal repertori romantic: il Conciert pal violoncel di Dvořák, op. 104, e la Seste Sinfonie di Tchaikovsky. Il diretôr al sarà il rumen Cristian Măcelaru,pe prime volte cul grup fondât di Claudio Abbado. La soliste sul palc di sene pe ocasion e sarà la violonceliste di Salisburc, Julia Hagen, une des artistis plui preseadis de sô gjenerazion. (A.I.) – 07.11.2026