Dopomisdì pluitost movimentat îr a Udin, indulà che i carabinîrs dal Nucli radiomobile adun cui coleghis de Stazion Udine Est a àn vût a ce fâ cuntun om di 44 agns che al vîf in citat che al stave dant i numars.
Inte zone nord de citât, l’om che al tignive in man doi curtis, al stave fiscant dôs machinis parcadis. Cuant che a son rivâts i carabinîrs il sogjet al jere in fuart stât di agjitazion, forsit par vie dal fat che al veve doprade droghe o al veve bevût masse, e cussì i carabinîrs a àn scugnût blocâlu: inte sachete dai bregons i àn cjatât un altri curtis e i militârs a àn vût il lôr ce fâ par rivâ a tignîlu fer.
Altre robe e je saltade fûr a cjase dal om dilunc de percuisizion: altris doi curtis, une lame plui grande, bastons di bambù e ancje armis orientâls. L’om al è stât arestât e puartat tes cjamaris di sigurece dal Comant provinciâl dai carabinîrs in spiete de convalide dal arest denant dal judiç, fate vuê di matine. (a.d.g.) – 28.10.2026
