Un cartelon, anzit doi, cun storiis buinis di fâ ridi, emozionâ e fâ domandis al dì di vuê ancje cjalant al passât, doprant gjenars e lengaçs diferents. A son lis dôs stagjons ideadis e metudis adun di Walter Mramor ArtistiAssociati: une plui tradizionâl tal “Nuovo Teatro”, che altre dedicade al contemporani te sale “Bergamas”.
Passe cincuante propuestis, tacant propit tal “Comunale” cu la comedie cun Ariella Reggio “Ocio alla Debegnac” joibe ai il 29 di Otubar. Po dopo, une gnove leture de “Locandiera” in prime regjonâl, “Marcinelle” e a Zenâr “L’attrice” cun Cristiana Capotondi, prime di un altri classic, “Uno, nessuno e centomila” e altris propuestis, fint al ultin apontament in Avîl, “Dracula – A Comedy of Terrors”.
Te Sale Bergamas, lis dîs propuestis di “Innesti”; che si presente tant che stagjon di conessions “che no si puedin proviodi par nuie”. Si tache ai 4 di Novembar cul monolic “La errante” di Laura Marinoni, ai 17 la compagnie di danze Arearea e presente un progjet fat a pueste pe stagjon e po dopo a rivin Alessandro Bandini, Andrea Bosca, Paola Fresa cun “P come Penelope”, Massimo Somaglino e Alessandro Lussiana cuntun titul aromai classic, “Salām/Shalom. Due Padri”, Filippo Capobianco e altris, fint ai 5 di Mai. Ducj i spetacui a saran presentâts in repliche dôs voltis. (A.I.) – 28.10.2026
