Dilunc di une operazion di control fate vuê di matine di carabinîrs e Polizie locâl di Udin tal vecjo frigorifar, in vie Sabbatini, juste denant dal palaç de Regjon, a son stâts cjatâts bivacs e residuis di droghe. A son stadis identificadis trê personis: dôi africans che a àn domandât asîl e une femine furlane. Ducj a saran denunziâts par ocupazion abusive.
E je stade puartade vie dute la robe cjatade sul puest e i operaris dal Comun a àn sierât lis busis dopradis par jentrâ tal edifici. La assessore ae Sigurece Rosi Toffano e à anunziât la instalazion di 14 telecjamaris di control inte zone: “In cheste aree – e à dit Toffano – o fasin une vore di atenzion parcè che si trate di une situazion di abandon cun problemis di degrât”. (a.d.g.) – 27.10.2026
