9
Jentradis dentri cjase, telefonadis e messaçs a ogni ore, danezaments, agressions e vuaitis: cussì un om di 53 agns, che al è a vivi a Polcenic, al è stât arestât îr dai carabinîrs e puartat in preson, indulà che al varà di sta par doi agns e doi mês.
L’om al è stât cjatât intun teren indulà che al viveve dentri di une roulotte cence aghe, lûs e riscjaldament e al è stât puartât te preson di Pordenon.
I compuartaments che par chei al è stât condanât a vevin provocât tra il 2014 e il 2022 une vore di denunziis de bande dai carabinîrs di Cjanive e Polcenic. Daspò de condane vude dal Tribunâl di Pordenon l’om al veve fat ricors, ma la sentence e je stade confermade ancje tal secont grât. (a.d.g.) – 27.10.2026
