9
Cuant che la cusine e à tacat a jemplâsi di fum vuê di matine, e je stade daurman decidude la evacuazion di ducj i arlêfs e dal personâl in vore te scuele elementâr che si cjate a Buie in vie Brigata Rosselli.
A son stâs puartât tal viert, in ordin e cence nissun probleme, i 180 fruts adun cui insegnants e a i dîs colaboradôrs scolastics. Sul puest a son rivâts daurman trê mieçs dai Vigjii dal fûc di Udin che a àn studât in pôc timp il fûc che par chel a stan fasint lis investigazions su lis causis.
Si pues dî dal sigûr che la esercitazion antiincendi fate cualchi zornade prime e à judât. (a.d.g.) – 05.10.2026
