Martars ai 11 di Lui dal 2023, li de Sale Consiliâr di Pasian di Prât, si è tignude la conference stampe di presentazion di Folklorama, Festival Folcloristic internazionâl, inmaneât, di 26 agns in ca, dai amîs dal Grup Folcloristic di Pasian di Prât che chest an si davuelç joibe ai 13 di Lui a S. Zorç di Noiâr inte elegante Vile Dora, vinars ai 14 di Lui li de Place de Glesie di Bresse di Cjampfuarmit, sabide ai 15 di Lui tal Plaçâl de Glesie di Pradaman, domenie ai 16 di Lui a Pasian di Prât, tacant di buinore cu la messe di ducj i balarins in costum e sot sere li dal Parc di Vie Missio, grant finâl lunis ai 17 di Lui a Osôf li dal Parc de Colonie. I spetacui a varan ingrès libar e a tacaran aes 8.45 sot sere. Ta chestis seradis, danzis, musichis, colôrs di culturis diferentis di dut il mont si messadaran tra di lôr fin a instreçâsi intun glimuç universâl: chel de amicizie e dal folclôr che a uniran i cûrs dal Grup Folcloristic di Pasian di Prât, dal Portugal “Grupo Folclorico e Etnografico de Albergaria-a-Velha” di Albergaria, dal Grup dal Montneri ‘’KUD Volodja” di Pljevlja KUD e dal Cile “Walmapu Compañia Folkolrica” di Santiago del Cile. No nus reste altri che augurâus: Bon Folklorama 2023 a ducj! (Daria Miani) – 12.07.2023
Fotografie di Flaviano Miani
