124
Pe prime volte in assolût une gare podistiche e jentrarà tal Stadio Friuli/Dacia Arene. In graciis de colaborazion tra Udinese Calcio e la Asd Maratonina Udinese, vuidade di Paolo Bordon, la seste prove de Coppa Friuli 2023 – competizion podistiche tradizionâl, inmaneade propit de Asd Maratonina – e jentrarà intal “templi” locâl dal balon, dulà che i 250 atletis a passaran dut il perimetri dal teren di zûc, par dopo tornâsi a colegâ al itinerari di difûr. La competizion e je in calendari par domenie ai 11, cun partence e travuart al Città Fiera di Torean di Martignà. La sfide e sarà suntun percors di plui o mancul 10 km, un percors dal dut gnûf e plen di cambis di ritmi intai comuns di Martignà, Tavagnà e Udin. (A.I.) – 05.06.2023
