Udin: ultins dîs prime dal campionât cun (pocje) lûs e cualchi dubi

Domenie al tache il campionât – anzit, lunis pai furlans, in cjase cuintri il Verone – , ma l’Udin al à za screât il stadi daspò de final de Supercope europeane cu la prime partide de Cope nazionâl, la vecje “Coppa Italia”. Par fortune il risultât di lunis di sere al è stât bon – 2 a 0 cuintri la Carrarese, che un pâr di agns indaûr e jere in serie C e cumò e zuie in B – , ma al è ancjemò alc di viodi. Daspò di ve vendût (par cumò) Bijol, Lucca e Thauvin, bisugne comprâ cualchidun di bon pal atac (e no dome chel), stant che ancje Pafundi al è pront a lâ vie ancjemò une volte e devant no bastin dome Davis e Iker Bravo! Il spagnûl al à segnât il secont gol daspò dal francês Atta, che al è stât il miôr in cjamp (intant che l’altri francês scjampât, Thauvin, si è cjapât come siviladis). Te matine daspò de partide di Cope, i zuiadôrs de banchine a àn zuiât cuintri il Cjarlins Muzane (serie D), pierdint par 2 a 3. Dut câs, al è dome che balon di Avost (sperin ben…). (A.I.) – 19.08.2025