Un viaç insolit jenfri scûr e lûs, comedie e satire. Un spetacul di circ cun cetancj zovins artiscj e che, daûr de ideadore e curadore di dut il progjet par Maravee Projects, Sabrina Zannier, “al tire dentri il il spetatôr, stiçant riflessions, ma ancje cualchi azion di ogni dì, par fâ un viaç sostignibil viers l’avignî de Tiere e di dute la umanitât.” Vinars ai 20, sul palc di sene dal Cine Teatri “Sociale” di Glemone al rive “RI/CIRCUS. I miti che riciclano il mondo”, I mîts che a riciclin il mont: une comedie satiriche che e torne a scrivi la ecologjie doprant il teatri, il circ e la video art. La gnove produzion di Maravee Projects e ufrîs un viaç imersîf e multidissiplinâr dulà che i personaçs de mitologjie greghe a deventin ativiscj ambientâi par salvâ une Mari Tiere feride de arogance umane. Di cheste premesse potente al ven fûr un spetacul che al impressione dal pont di viste visîf, messedant il circ contemporani e la video art par frontâ il teme de crisi climatiche midiant de satire. (A.I.) – 18.11.2026
Ancje i dius antîcs a lavorin a pro dal ambient
5