L’univiers di Jannacci a tor pal circuit dal ERT

da Andrea Ioime

Simone Colombari e Max Paiella a rivin tai teatris dal circuit dal ERT regjonâl cun “Jannacci e dintorni”, un spetacul dedicât al univiers musicâl e poetic di Enzo Jannacci, diret di Lorenzo Gioielli. Il tour al scomençarà joibe ai 19 tal Cinecity di Lignano e al larà indevant vinars ai 20 tal Auditorium “Alla Fratta” di S. Denêl, sabide ai 21 tal TeatrOrsaria di Premariâs e domenie ai 22 tal auditorium di Listize. A tacâ di Lunis ai 23, il spetacul al sarà ancje a Monfalcon, Grau e Glemone. La storie si disvilupe traviers des cjançons e dai incuintris che a àn dât forme ae cariere di Enzo Jannacci: figuris impuartantis tant che Adriano Celentano, Giorgio Gaber, Dario Fo, Cochi e Renato, Paolo Conte, Beppe Viola e Sandro Ciotti. Ma lis cjançons a son ancje storiis di personis ordenariis, contadis cun chê lizerece che e à permetût a Jannacci di movisi cence compromès jenfri comedie e tragjedie. (A.I.) – 18.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui