La Italie e à concuistât il prin dai vot aurs in pali al Cuartîr Fieristic Udinês, dulà che di vuê fin a domenie, si fâs la Cope dal Mont Under 20 di scherme. Inte prime des dôs garis in program vuê, il floret feminin, al è rivât un risultât positîf dopli cu la romane Aurora Grandis sul scjalin plui alt dal podi e la marcjesane Matilde Calvarese sul secont.
Dongje di une medaie e je lade Mariavittoria Barete, la atlete catanese di cuindis agns cressude cul mestri Mihail Banica su lis pedanis de Scherma Vittoria di Pordenon che pai siei colôrs e à concuistât ancje un titul talian intes categoriis Giovanissime intal 2019. La atlete celeste che di cualchi an si è trasferide a Frascati e à sierât al setim puest, batude par 15-7 intal derby dai cuarts di finâls di Aurore Grandis. Si son fermâts, invezit, intes primis fasis de gare i spadiscj regjonâi impegnâts vuê. (A.D.G.) – 13.01.2023
