Pozzo e Runjaic dacuardi: “Udin pront pe Europe”

L’Udin al è tornât tal parc Moretti, il puest dal storic stadi citadin dai blanc e neris dal 1924 e fint al 1976, pe presentazion de scuadre, che e scomençarà la sô trentesime seconde stagjon in Serie A – une daûr di che altre – sabide ai 22 cuintri il Como. Une ocasion storiche, che e rive propit pal centesim trentesim aniversari de fondazion dal club e pal cuarantesim aniversari de proprietât de famee Pozzo. Daspò de presentazion di ducj i zuiadôrs e dal personâl tecnic e sanitari, denant di miârs di sostignidôrs, martars sot sere, Gianpaolo Pozzo si è ingropât un pôc e al à confermât lis peraulis – par talian! – dal alenadôr Kosta Runjaic, che al tache il so tierç an a Udin: “Sì, cheste scuadre e je pronte pe Europe.” Batiman dal public ancje e soredut pal diretôr Gokhan Inler e par un tercet di zuiadôrs: il portîr Maduka Okoye, il difensôr Oumar Solet e Nicolò Zaniolo. (A.I.) – 19.08.2026