L’Udin al torne a partî di dulà che al veve finît: pierdint cu la Juve

Ancjemò une partide pierdude ae prime zornade di campionât pal Udin. Al jere capitât un an indaûr a Milan, prime de Madone di Avost cu la scuadre rosse e nere, cul risultât di 4-2; al è sucedût domenie di sere ancje cu la Juve. Il risultât finâl al è stât sec e cence discussions, 0-3, e al è rivât a 77 dîs de ultime partide, propit cu la scuadre alenade di Allegri. Ancje chê volte, une disfate. la Udinese e à pierdût par erôrs individuâi (di Zarraga, Ebosele e Silvestri), pes sieltis tecnichis dal alenadôr Sottil e par un marcjât ancjemò in vore, che par cumò al à puartât vie trê zuiadôrs impuartants. A saressin stâts 4, se Samardzic al ves firmât cul Inter: al covente daurman cambiâ vele par no fâ une altre brute figure: par altri, dentri un stadi dut plen! (A.I.) – 21.08.2023