Il palaç de glace si scree cu la campionesse Kostner

Sabide ai 18, aes 6 dal dopomisdì, il palaç de glace “Alceo Della Valentina” di Claut al vignarà screât di Carolina Kostner, une liende autentiche dal patinaç. Il so non di bessôl al è bastât par che l’avigniment “Dolomia on ice” al les esaurît in curt, ma lis sorpresis no son ancjemò finidis: la campionesse dal mont e bronç olimpic no sarà la uniche patinadore di ecezion a cjalcjâ la piste dal palaç de glace. A saran ancje Lara Naki Gutmann, campionesse taliane dai ultins doi agns, e la zovine Anna Pezzetta, secont puest ai Eyof dome a cuindis agns e za une grande sperance dal patinaç talian. (A.I.) – 16.02.2023