Une bande norvegjese ator pal Friûl

I musiciscj norvegjês Parallax+ Hytta a àn sielt Palme tant che partence par une schirie di datis in Friûl dilunc dal lôr tour european. Intal senari inmagant de Polvariere Napoleoniche di Contrada Garzoni, miercus ai 9 des 20.30 e rimbombarà la lôr musiche, une fusion di jazz, folk, eletroacustiche, minimalisim e rumôr. A meti dongje un grup cuntune sielte di influencis che e cercje di eliminâ i rûi tradizionâi dai diviers struments acustics e di esplorâ lis areis margjinâls de musiche, ancje il violoncelist furlan Mariano Bulligan. Lis datis che a vegnin a saran, dai 10 al 12, inte Plêf dal Cjistiel di Ruvigne, al Cafè Caucigh di Udin e intal Santuari di Mont Grisa. (A.I.) – 08.11.2022