Un piano sul Lât de Burida

Un gnûf apontament intun lûc speciâl pal compositôr e pianist Remo Anzovino, dopo il conciert dut plen a Vile Manin in Avost e apontaments impuartants tant che il conciert pes vitimis dal Puint “Morandi” a Gjenue. Sabide ai 23 a Purcie, sul Lât de Burida tal dopomisdì, un dai talents plui straordenaris de musiche strumentâl contemporanie e sunarà il so gnûf disc “Don’t Forget to Fly” e i tocs plui innomenâts dai discs in studi e des sôs colonis sonoris pal cine. Un sucès di trente milions di streaming in 180 Paîs tal mont, chel dal artist di Pordenon, che tal mês di Mai al à publicât un album jentrât daurman intes classifichis uficiâls di vendite. (A.I.) – 22.09.2023