Un cuartet di arcs ‘in vore’ a Culugne

A van indevant i apontaments de rassegne dal Istât “Armonie in città”, armoniis in citât, che e puarte a Udin la musiche e il talent di artiscj zovins. Martars ai 19, te glesie “del Sacro Cuore” aes 8.30 sot sere, al sarà protagonist il cuartet Rêverie cuntun program classic par cuartet di arcs. Nassût tal 2021 tal conservatori “Tartini” di Triest, il grup al è formât di Uendi Reka e Florjan Suppani (violin), Lucy Passante Spaccapietra (viole) e Alice Bellan Romano (violoncel). Il cuartet al è ancje daûr a fâ il cors di perfezionament di musiche di cjamare li de fondazion “Luigi Bon” di Culugne, sot la vuide di Federica Repini. (A.I.) – 18.08.2025