Un conciert pal dialic tra lis culturis al Palamostre

E va indevant martars ai 13 a Udin la otave edizion di “Festil”, il festival estîf dal litorâl diret di Tommaso Tuzzoli e Federico Bellini, inmaneade di Tinaos cu la poie de Fondazione Friuli e in colaborazion cul CSS – Teatri stabil di inovazion dal F-Vj. Aes 9 sot sere al Teatri Palamostre a sunaran i 30 strumentiscj di 10 Paîs dal mont de Orchestra Multietnica di Arezzo, che di passe 15 agns si esibìs sot de direzion di Enrico Fink, puartant in sene il dialic e la contaminazion tra univiers sonôrs diviers. Ospit speciâl dal spetacul “Culture contro la paura”, l’innomenât cjantautôr Paolo Benvegnù, par un conciert che al promôf la socialitât tra culturis diferentis. (A.I.) – 12.06.2023

Foto di Antonio Viscido