Udinì, i concierts in rêt che a promovin lis aziendis

Al torne in vie uficiâl ai 22 di Setembar, cuntune gnove stagjon, Udinì-Live Experience, il formât video di intratigniment musicâl, creât di Brodo Studio. Protagoniscj dal prin episodi, regjistrât ai 27 di Jugn in vie di Prampero a Udin, il duet Technoir formât di Alexandros Finizio e Jennifer Villa. L’episodi al sarà in rêt di vinars ai 22 di Setembar di misdì sul sît uficiâl www.udinì.it. Udinì nol è dome spetacul, ma al permet aes aziendis di contâ la lôr storie e di pandi i propris valôrs, ufrint ai clients une ocasion di intratigniment uniche. Ogni episodi al à contignûts in plui, par aprofondî l’univiers artistic dai artiscj e la identitât de aziende che e promôf l’avigniment. (A.I.) – 21.09.2023