Udin capitâl par trê dîs dal cine di pôre

L’orôr, anzit i orôrs, di dut il mont a rivin pe prime a volte a Udin cuntune selezion bondante di titui in anteprime nazionâl pe cuinte edizion dal “Be Afraid Horror Fest”, che si môf di Gurize li dal Città Fiera. L’unic festival di cine internazionâl in Friûl-Vignesie Julie dedicât dal dut al orôr in ogni sô forme al presente di vinars ai 24 a domenie ai 26 ogni dì cuatri cines in anteprime nazionâl, che no si cjatin dispès di cualchi altre bande, cubiâts a curtmetraçs, ma ancje incuintris cui autôrs, presentazions e mostris. Nassût intal 2019, il “Be Afraid Horror Fest” al è une rassegne creade di passionâts pai passionâts: un avigniment che al vûl jessi un pont di incuintri par ducj i amants dal gjenar. (A.I.) – 23.11.2023