Teatri gnûf di Udin: vierts i abonaments

La campagne dai abonaments pal Teatri gnûf “Giovanni da Udine” e tache di martars al prin di Setembar e larà va indevant fint ai 15 di Setembar pe prime fase, chê des confermis, risiervade a ducj i titulârs di abonaments de stagjon passade che a vuelin rinovâ e confermâ i lôr puescj. La fase di rinovament e larà po dopo indevant cu lis variazions fint ai 17 di Setembar, par vierzi a tacâ dai 19 di Setembar cui gnûfs titulârs di abonaments. Il gnûf program, progjetât dai diretôrs artistics Roberto Valerio (prose) e Paolo Cascio (musiche e danze), al cjaparà dentri une schirie di interpretis une vore preseâts: Umberto Orsini, Emilio Solfrizzi, Luca Zingaretti, Ambra Angiolini, Neri Marcorè, Oblivion, Maccio Capatonda, Giovanni Storti… E po dopo, orchestris sinfonics, diretôrs e soliscj di innomene internazionâl tant che la Filarmoniche di Dresde, Daniele Gatti cu la Orchestra Mozart, i musiciscj dal Louvre cul lôr creadôr Marc Minkowski, l’Orchestre Révolutionnaire et Romantique cul Monteverdi Choir e cetancj altris, par 57 apontaments in dut in cartelon. Cun di plui, a saran inmaneâts incuintris cu lis compagniis e i artiscj, conferencis di aprofondiment, laboratoris pai fruts e visitis vuidadis. (A.I.) – 01.09.2026