Storiis di imprenditôrs tornâts in regjon

Si intitule “Eudaimonia – La rivoluzione della felicità” il cine realizât dal regjist Swan Bergman, za autôr di “Pancôr, il pan che al ven dal cûr”, che al conte la ricercje de “felicitât” cun vot storiis di imprenditôrs nassûts in Friûl-Vignesie Julie che a àn lassât ativitâts diretivis in variis lûcs dal mont par tornâ in regjon a tirâ sù siums coltivâts di timp, cjatant la proprie realizazion e la felicitât interiôr. Une testemoneance di aziendis spetacolârs pe lôr storie, pes aventuris dai imprenditôrs e pe bielece dai progjets e des emozions contadis, che e sarà presentade vinars ai 23, aes 6 dopomisdì, al Visionario di Udin. (A.I.) – 22.06.2023