Sick Tamburo, secont singul prime dal gnûf album

Al è fûr di martars ai 4 di Avrîl, tes radios e su ducj i negozis digjitâi, “Il colore si perde”, il gnûf singul dai Sick Tamburo, la band di Pordenon nassude de esperience Prozac+ e cun plui di dîs agns di storie musicâl daûr. Il toc, insiemi al prin estrat “Per sempre con me”, cun Roberta Sammarelli dai Verdena, che a Març al à segnât la tornade de formazion vuidade di Gian Maria Accusani, al anticipe “Non credere a nessuno”, il sest album di inedits de formazion, un dai riferiments principâi dal panorame alternatîf talian, che al ven fûr ai 21 di Avrîl. (A.I.) – 04.04.2023