Al va sù il sipari su la cuarantesime otave edizion di “Musicainsieme”, la vetrine storiche di musiche di cjamare ideade e promovude dal Centri Iniziativis Culturâls di Pordenon par cure di Franco Calabretto e Eddi De Nadai. L’apontament al è domenie ai 2 aes 11 di buinore intal Auditorium de Cjase dal student “Antonio Zanussi” di Pordenon, dulà che al sarà di sene un ensemble di riferiment de sene cjamaristiche mondiâl: il tercet Nebelmeer, vincidôr tal Setembar passât de vincjesime seconde edizion dal prestigjôs concors internazionâl “Premio Trio di Trieste”. Po dopo, “Musicainsieme 2025” al larà indevant domenie ai 9 di Fevrâr cu la sudcoreane Borim Kang, zovine stele dal piano, e domenie ai 23 cu la lezion conciert dal pianist e ricercjadôr Paolo Furlan. (A.I.) – 01.02.2025
“Musicainsieme” al scomence cuntun tercet di innomine mondiâl
46