Massimo Silverio, un cjargnel ‘internazionâl’ a Triest

Il cjantautôr cjargnel Massimo Silverio, nassût a Çurçuvint tal 1992 e judicât un dai nons gnûfs plui in mostre de musiche taliane, al rive in conciert ancje a Triest, vinars ai 26 tal teatri Miela, cul so prin album “Hrudja”, jessût in Novembar e laudât di dute la critiche specializade pe sô misture di antîc e contemporani, popolâr e cult, acustic e eletronic. Valutât un dai miôr esponents di chê sene musicâl che e dopre la sô tradizion linguistiche regjonâl cui gnûfs lengaçs sonôrs di chest mileni – e che al scrîf e al cjante te sô lenghe mari, il cjargnel – al è stât passât pe radio fintremai de stele internazionâl dal rock Iggy Pop intal so program. (A.I.) – 24.04.2024