Maravee a Malnîs: il teatri al è un circ

Dal 2002, il festival “Maravee” ideât di Sabrina Zannier par puartâ la art contemporanie al grant public al à tirât dentri cuasi 400 artiscj in vincj lûcs diferent dal Friûl: vilis, parcs, museus, cjistiei… Di cualchi an al à nassût ancje il festival “Maravee Circus”, che al messede arts diferentis – prose, musiche, teatri, cine, danze… – sot dal segn dal circ. la gnove edizion e je dedicade ae figure e ae metafore dal gaugar e de sô art, al centri di une culture ‘di frontiere’ che e va cuintri lis barieris des categoriis artistichis. E cussì, il gaugar al devente un artist bon fi fâ ridi ma ancje vaî e soredut di mudâ il so pont di viste e chel dal public. Za screât a Susans, la rassegne e va indevant ai 10 di Lui te ex centrâl idroeletriche “Pitter” di Malnîs, la che Luca Piallini e Claudia Contin Arlecchino a fasaran un spetacul di danze verticâl e acrobatiche dedicât al teme de aghe, “Gocciolandia”. Po dopo, ai 17 di Lui a saran Domenico Lannutti e Gaby Corbo a presentâ tal Cjistiel di Colorêt di Montalban un spetacul, “To play”, che si domande il sens de vite e par sierâ ai 24 di Lui tal cjistiel di Glemone al sarà inmaneât un spetacul di “Inzirli tragjicomic” che al svicine il circ al cabaret. (A.I.) – 08.07.2025