La rassegne “Lunedì Sinfonica” da Orchestre dai zovins Filarmonici Friulani e va indevant li de “Cavallerizza” di Udin cuntun conciert sinfonic in citât ogni mês, simpri il lunis di sere. Il secont conciert al è in program par lunis ai 19 te ex Caserme “Osoppo” di vie Ada Rossi. La orchestre e sunarà cul pianist Sebastiano Mesaglio e cul zovin diretôr Luciano Siani. L’apontament al sarà proponût ancje martars ai 20 tal teatri “Benois De Cecco” di Codroip, cul titul “Il rumore del tempo” (Il sunsûr dal timp), te suaze stagjon difondude di concierts de orchestre e in colaborazion cul comun di Codroip. Prime dal conciert, domenie ai 18 aes 6 di dopomisdì li de “Cavallerizza”, e sarà proponude une prove vierte, “OnOFF”, cu la vuide ae scolte de bande di Mauro Masiero. (A.I.) – 17.10.2026
Lunis al è il dì de sinfoniche a Udin
66