L’Ert al pense a tirâ sù un public “gnûf”

L’Ent regjonâl teatrâl dal Friûl-Vignesie Julie al à presentât lis primis anticipazions sul cartelon, in presince dal so president, Sergio Cuzzi, dal diretôr, Alberto Bevilacqua, e dal assessôr regjonâl ae Culture, Mario Anzil. La stagjon 2022/2023, la ultime programade di Renato Manzoni, par 18 agns ae vuide dal Ert, e à tocjât i numars di prime de pandemie: 5.329 abonâts e 59.751 presincis in totâl pai 238 apontaments di prose, musiche e danze presentâts intai 28 teatris dal circuit.  La stagjon 2023/2024 e viodarà un “unic grant cartelon” sparniçât su dut il teritori regjonâl, cuntune presince impuartante di produzions regjonâls e il miôr de dramaturgjie nazionâl e internazionâl, classiche e contemporanie, cun artiscj di grant non, che a àn fat e a continuin a fâ la storie dal teatri. Ma si fasarà ancje atenzion a tirâ sù un public “gnûf” e a inzornâlu su lis gnovis tindincis de sene contemporanie. (A.I.) – 03.07.2023