La ultime volte dal duet di classiche ‘pop’

Un conciert che al met adun la magjie dal Nadâl, il divertiment pe famee, la art di doi grancj musiciscj internazionâi e chê de sinfoniche regjonâl, FVG Orchestra. Il cuart event di “Io Sono Sinfonica”, martars ai 9 tal Teatri gnûf “Giovanni da Udine”, al è titulât “Big Silent Night Music”, la grande musiche pe gnot di Nadâl, e al sarà fat de cubie Igudesman & Joo adun cu la FVG Orchestra. Une ocasion di no pierdi, parcè che e sarà e je la ultime di viodi in Italia il duet di musiciscj, che al à anunziât che dal mês di Zenâr dal 2026 no sunaran plui adun, daspò di passe vincj agns di ativitât. Sul palc a saran presentadis lis cjançons classichis di Nadâl e dal Ultin dal an, di ridi e di vaî, dongje dai sucès dai doi musiciscj: il violinist rus Aleksey Igudesman e il pianist anglocorean Hyung-ki Joo, un fenomen internazionâl in graciis di spetacui che a messedin musiche classiche, umorisim e culture pop. (A.I.) – 06.12.2025