30
La storie dal amôr impussibil di Pier Paolo Pasolini e Maria Callas inte lagune di Grau e rive fint in Americhe: li de FAU, la Universitât Atlantiche de Floride, che, dentri dal so program estensîf di incuintris e proiezions dal titul “Italie in transit”, e presente inte gnove edizion une retrospetive sul cine di Sergio Naitza, regjist, critic e gjornalist, che vie pal timp al à metût adun documentaris leâts ae storie dal cine internazionâl. Il festival, za in cors, si concentre sabide ai 7 suntun tribût a “Medea”, il cine di Pier Paolo Pasolini che al à inspirât Sergio Naitza a produsi “La isule di Medee”, il documentari zirât a Grau dopo dal festival “Lagunamovies”, che al à diret par 17 agns. (A.I.) – 04.02.2026
Foto di D. Zedda
