La stagjon dal “Teatron” firmade di Mattotti

E va indevant la colaborazion artistiche jenfri la Fondazion dal Teatri Gnûf “Giovanni da Udine” e Lorenzo Mattotti, ilustradôr, senograf e regjist di innomine internazionâl, che in dute la sô cariere straordenari, al à firmât la insegne par rassegnis internazionâls e events culturâi di presi, cjapant dentri siet edizions dal Festival dal Cine di Vignesie. Pal tierç an un daûr di chel altri, Mattotti al à creât la imagjin iconiche de gnove stagjon di prose, musiche e danze di Giovanni da Udine, la trentesime. Dut il program al sarà presentât joibe ai 2 di Lui dal president de Fondazion Paolo Vidali e dai diretôrs artistics Paolo Cascio (Musiche e Danze) e Roberto Valerio (Prose). La colaborazion di Mattotti cul “Giovanni da Udine” e je tacade tal 2017, in ocasion dal vincjesim aniversari dal teatri, e e je lade indevant cun sucès intes ultimis dôs stagjons. Pal 2026/27 Mattotti al propon une gnove imagjin che e je ancje un omaç ae citât dulà che l’artist al rivà cu la sô famee tal 1971. (A.I.) – 23.06.2026