La prime stagjon inmaneade de Sinfoniche regjonâl

Cinc concierts cuntun titul che al pant il leam font cul teritori. La prime stagjon di concierts de Fvg Orchestra si clame “Io sono sinfonica”, daûr de publicitât sielte di cualchi an par dute la regjon, stant che simpri plui tapis a son fatis tal forest, sedi a nivel talian che internazionâl, cuntun bon acet simpri plui grant, no dome de bande dal public, ma ancje dal Ministeri de culture. Inmaneade cu la poie de Regjon F-Vj, dal stes Ministeri e dal sponsor Civibank, cheste prime stagjon inmaneade dal president Paolo Petiziol e dal diretôr artistic Claudio Mansutti e à sielt di esplorâ lengaçs musicâi diferents, par meti in lûs la versatilitât de Sinfoniche regjonâl cul so diretôr principâl Paolo Paroni. La viertidure, vinars ai 24 tal teatri “Marlena Bonezzi” di Monfalcon, e sarà un event straordenari: une “prime” assolude cun protagoniscj di dai plui grancj sunadôrs di violoncel de sene internazionâl, Mario Brunello e Giovanni Sollima, pe prime volte adun sul palc tant che diretôrs e ancje soliscj. Po dopo, a son in program trê apontaments speciâi, de oparete ae musiche jazz, dai 30 di Otubar tal Teatri gnûf “Giovanni da Udine”. (A.I.) – 22.10.2025