Il canadês Simon Rivet e il triestin Marco Battigelli a son i vincidôrs dal secont Concors di composizion “La gnove musiche”. I lavôrs dai doi compositôrs a son stâts ritignûts i miôr dai dodis finaliscj, sielts de comission tacant dai ben 47 candidâts che a vegnin di 8 Paîs europeans e extraeuropeans. Un sucès internazionâl pe tierce edizion dal concors dedicât a compositôrs e compositoris sot i 35 agns, promovût de zovine orchestre Filarmonici Friulani intune cul ensemble Brassevonde, cu la poie dal Ministeri de Culture e de Regjon, il supuart dal Gruppo Danieli e la colaborazion dal Leo Club di Udin. La premiazion uficiâl cuntun conciert viert al public si tignarà vinars ai 10 sot sere li dal Palamostre di Udin. (A.I.) – 09.11.2023
Foto di Luca A. d’Agostino
