La flabe dal om che al à vivût al contrari

Une metude in sene oniriche e sugjestive e siere il percors “Verdi racconta” de stagjon dal Teatri “Verdi” di Gurize. Martars ai 16, Giorgio Lupano al darà anime e cuarp a “La vita al contrario. Il caso curioso di Benjamin Button”, la version teatrâl de straordenarie flabe moderne di Francis Scott Fitzgerald “The curious case of Benjamin Button”, publicade pe prime volte intal 1922, che si interoghe sul significât de vite, su la sô imprevedibilitât e su la inelutabilitât de muart. Di chest romanç al è stât fat un cine dal 2008, cun Brad Pitt e Cate Blanchett, che al à vinçût trê premis Oscar. E je la conte di un om nassût di otante agns, ma intal cuarp di un frut, che al vîf dome intal aspiet une vite al contrari. (A.I.) – 15.04.2024