La corâl e fâs spetacul fevelant di ambient

Dopo il debut a Jugn al Teatri “Giovanni da Udine”, al va in sene miercus ai 7 aes 8 e 45 di sere,  inte Arene al viert dal Centri Civic di Caprive, “Noi siamo il tempo” (Nô o sin il timp), il gnûf conciert dal Freevoices Show Choir. Il spetacul, dedicât al teme de difese dal ambient e de sostignibilitât, si ispire ai obietîfs de Agjende 2030 pal disvilup sostignibil, inmaneât in cuadris musicâi, cu lis musichis che si unissin aes peraulis par une conte di insiemi di fuart impat teatrâl e senografic. I tescj origjinâi a son di Sergio Sichenze, lis coreografiis a son par cure di Marco Rigamonti, lis vôs dai atôrs Enrico Cavallero e Paola Aiello, la direzion artistiche di Manuela Marussi. (A.I.) – 06.09.2022