Il teatri di Cormons al vierç la bilietarie

Fin ai 4 di Novembar al è pussibil sotscrivi i gnûfs abonaments pe stagjon artistiche 2022/23 dal Teatri Comunâl di Cormòns: ogni lunis, vinars e sabide. Dai 7 di Novembar la bilietarie e sarà vierte pes prevenditis dai biliets singui. Al vierzi la sezion prose al sarà Elio, ai 5 di Novembar, cul omaç a Enzo Jannacci ‘Ci vuole orecchio’; ai 17 di Novembar, Elisabetta Pozzi, Giovanni Crippa, Francesca Ciocchetti a saran lis protagonistis di ‘The Children’ di Lucy Kirkwood; ai 5 di Dicembar la Compagnia della Rancia e rive cul musicâl ‘Grease’ e ai 17 di Dicembar Max Angioni. Intal 2023, tancj spetacui in prime regjonâl e ancje, a Mai, “Maçalizi – Il dio del massacro’ di Yasmina Reza, traduzion in furlan di William Cisilino e Michele Calligaris pe regjie di Fabrizio Arcuri e Rita Maffei. (A.I.) – 27.10.2022