Cuarte edizion pal “Festival de aghe” di Staranzan, manifestazion di divulgazion sientifiche multidissiplinâr che e torne dai 18 ai 24 di Mai cuntune schirie di events. Une rassegne che e passe ogni confin par la a cirî lis cognossincis, lis storiis e lis soluzions intune schirie di temis leâts ae aghe. Prime tape di un percors di trê agns, che al tache de esplorazion dal mont “di sot” e po dopo al passarà al “parsore” e al “di là”, il festival cheste al cjale volte i monts che a son sot dal pêl de aghe e sot de tiere, massime chei che no si viodin ogni dì. Lûcs là che l’om nol pues vivi, dut câs fondamentâi pe nestre vite e pal ecuilibri de Tiere, Lant a cirî ce che al è platât tal mâr o tai landris, la rassegne e presentarà no dome in lûcs diferents di Staranzan e dal so lît, ma ancje a Gardiscje, Morâr, Triest, des Valadis dal Nadison…, passe 30 apontaments che a messedin art e sience: incuintris, spetacui, percors di ricercje, concierts, esposizions, laboratoris e altris esperiencis. I ospits a son preseadis personalitâts dal mont de sience e de politiche, o artiscj: di chei al baste nomenâ la atore Valeria Solarino, i musiciscj Gloria Campaner e Giovanni Sollima, l’atôr Giobbe Covatta, Marco Paolini e Barbara Schiavulli… Ducj al servizi di une mission: chê di stiçâ e sburtâ il public a cirî la sostignibilitât ancje te vite di ogni dì. (A.I.) – 16.05.2026
Foto Shobha
