Il cine su Mussolini al torne a zirâ in regjon

A tachin ancjemò cheste setemane lis ripresis dal adatament cinematografic di “M – il figlio del secolo”, il romanç storic di Antonio Scurati, za vincidôr dal Premi “Strega” 2019. La serie di vot episodis e sarà distribuide in esclusive su Sky e in streaming su Now. Dopo i prins vot dîs impleâts il passât Novembar a Aquilee e Gurize, il grup di vore al torne in Friûl-Vignesie Julie par completâ lis ripresis che a interessin lis ambientazions di Triest e la amidarie Chiozza intal comun di Rude: in dut, a son al lavôr 50 professioniscj locâi e plui o mancul 300 comparsis par une setemane di lavorazion. Joe Wright al è il regjist di dute la opare, che e ripasse la vicende dal 1919 al 1924 di Benito Mussolini, interpretât di Luca Marinelli. (A.I.) – 22.02.2023