Il Ceghedaccio, la fieste par balâ tant che intai Agns ’70

Il Ceghedaccio, la fieste dedicade ae musiche dai agns ’70, ’80 e ’90 che e à fat balâ cetantis gjenerazions, al torne vinars ai 20, come simpri tal paveon 6 de Fiere di Udin. Dopo la publicazion dal libri “Ceghedaccio 30 anni”, scrit a cuatri mans di Gian Paolo Polesini e Renato D’Argenio, e prime dal gnûf apontament cu la Ceghedaccio Symphony Orchestre tal Teatri Gnûf “Giovanni da Udine” ai 9 di Dicembar, e torne la grande serade buine ogni volte di clamâ miârs di apassionâts di dute la regjon, ma no dome. Renato Pontoni come simpri al fasarà sunâ i discs, dome in vinîl e selezionâts de sô colezion di passe 20 mil titui. (A.I.) – 19.10.2023