Gurize contade intun documentari

E tache la tierce edizion di “Cinematic Tales: Attraverso l’Obiettivo” (Storiis cinematografichis: traviers dal obietîf) e je in cors, il festival ospitât li dal DobiaLab che vie pai agns al à costruît un spazi pal cine, il teritori e la esplorazion culturâl, metint dongje produzions locâls e autôrs nazionâi. La edizion dal 2026 e sarà dividude in doi events, ai 6 e ai 21 di Març, che a confermin il desideri di ufrî al public esperiencis buinis di instreçâ vision, scolte e interazion direte cui regjiscj e i autôrs, e si davuelzarà dute li dal DobiaLab a Staranzan. Il prin event al scomençarà cu la presentazion di “Sguardi su Gorizia” (Vôi su Gurize), la ultime produzion di DobiaFilm, un video che al propon une narazion visuâl da citât, compagnât dai tescj di “Gorizia on/off” dal poete Giovanni Fierro, che al presentarà ancje il so libri “Il giorno prima” (Il dì prime). La serade e larà indevant cuntune proiezion di “Noi e la grande ambizione” (Noaltris e la gruesse ambizion), l’ultin cine dal regjist Andrea Segre, che al esplore il teme de partecipazion civiche e coletive. (A.I.) – 05.03.2026