E je jessude propit vuê, in ocasion de Zornade internazionâl de femine, la gnove cjançon dai Sick Tamburo, la preseade formazion di Pordenon, nassude dopo la fin dai Prozac+, un dai grups plui famôs dai Agns ‘90. Compagnât de cuviertine dissegnade dal fumetist Alessandro Baronciani, “Per sempre con me” al è un toc che al fevele de atenzion e dal jutori sistematic dât a une fantate jentrade intun periodi scûr e in aparence cence jessude. Pe cjançon che e anticipe il sest album dal grup, che al rivarà dilunc de Vierte, Gian Maria Accusani al à clamât ae vôs Roberta Sammarelli dai Verdena. (A.I.) – 08.03.2023
Gnûf toc pai Sick Tamburo inte Zornade de femine
95