Freevoices ‘a cjase’ dopo la trasfierte in Basse Italie

Dopo la trasfierte in Basilicade, i Freevoices a tornin a esibîsi in regjon cun doi concierts. Joibe ai 24, in place Cesare Battisti a Gurize, il grup vocâl diret di Manuela Marussi al presentarà il miôr di un repertori che al va de musiche popolâr internazionâl al musical e al pop contemporani, in ocasion de cerimonie di scree dal festival mondiâl dal Folclôr, ae cincuantesime prime edizion. Il prin di Setembar, invezit, a saran in place a Staranzan, inte suaze de famose sagre locâl, dulà che agns indaûr a àn sunât intune cun Moni Ovadia. (A.I.) – 22.08.2023