174
La rassegne musicâl “Estensioni – Circoldo jazz diffuso”, proponude di Slou societât cooperative, cu la direzion artistiche di Luca d’Agostino e cul contribût dal Ministeri de culture, e rive martars ai 18 a Vençon. Aes 7 di sere, intal Museu Tiere Motus, al è in program la esibizion dal duet di armoniciscj Romano Todesco e Sebastiano Zorza: ducj i doi a son musiciscj ecletics, esploradôrs di svariâts gjenars e premiâts in diviers concors nazionâi e internazionâls. La idee di Estensions, che dal an passât si môf su cuatri regjons talianis, al è di meti adun jazz, tradizions, teritori, biodiversitât e turisim sostignibil. (A.I.) – 17.10.2022
