Dôs datis pal spetacul che al conte Adelaide Ristori

A Gurize e Udin al rive un spetacul par cognossi miôr la atore taliane plui grande dal Votcent, Adelaide Ristori. La regjine Vittoria e definì lis sôs interpretazions “une robe straordenarie” e cuant che jê e fasè 80 agns intal 1902, e fo visitade di Vittorio Emanuele III. Atore, imprenditore, patriote: une grande femine. Lis sôs vicendis umanis e artistichis a son contadis intun spetacul moderni, profont, plen di inserts multimediâi. “Adelaide Ristori, regina delle scene”, comissionât intal 2022, in ocasion dal bicentenari de nassite de grande atore, dal Comun di Cividât al Teatro degli Sterpi. Il spetacul al va in sene joibe ai 16 a Gurize al Teatri Lojze Bratuž e il dì dopo a Udin, al “San Giorgio”. (A.I.) – 15.02.2023