49
La rassegne dal Istât “Armonie in città”, par cure de Fondazion “Luigi Bon” di Culugne, e propon martars ai 26 te Cort Morpurgo di Udin un spetacul dal Teatrino del Rifo: “Tu tirarâs adun daspò muart ogni toc dal to cuarp”, dedicât a Leonardo Zanier, il poete de emigrazion furlane. Il spetacul – une leture par cure di Manuel Buttus – al vûl memoreâ e celebrâ une des figuris plui impuartantis de leterature e dal impegn sociâl in Friûl tal novantesim aniversari de sô nassite. Il spetacul al conte moments plui impuartants de vite dal poete e sindacalist, cu lis leturis compagnadis des notis de armoniche di Paolo Forte. (A.I) – 25.08.2025
