A un ciert pont de sô storie, Parîs e je deventade une calamite par inteletuâi, scritôrs, musiciscj e artiscj vignûts di ogni bande dal mont. Parcè po? Storic de art e divulgadôr, Jacopo Veneziani al cîr di rispuindi cuntun spetacul, “Parigi”, che al conte i agns cuant che la citât e je stade il senari di incuintris che a àn segnât la art dal vincjesim secul, il lûc “dulà che al bisugnave cjatâsi par jessi libars” e che al sarà in sene miercus ai 29 in esclusive regjonâl tal Teatri Comunâl di Cormons. La narazion e cjape inviament al principi dal secul passât a Parîs, tal timp des avanvuardiis, par capî cemût che a nasserin i colôrs di Matisse, lis formis di Picasso, lis figuris di Modigliani, cjatant poetis, inteletuâls e protagonistis femininis straordenariis de vite culturâl e artistiche di chei agns di incjant. (A.I.) – 28.01.2025
Cuant che Parîs e jere la capitâl dal mont
50