Cent e otante agns in doi sul palc

Il duet di piano plui celebrât, preseât e di plui timp su la sene internazionâl al rive tal “Palamostre” di Udin par une des datis plui spietadis dal program dai “Amici de Musica”, cul titul “180 in 2”. Martars ai 14 aes 19:22 (cul orari compagn come simpri al an di fondazion de associazion) Bruno Canino e Antonio Ballista a tornaran a incjantâ il public une altre volte cun la lôr chimiche aromai di liende tal sunâ il piano a cuatri mans. I critics a son simpri stâts svelts a segnalâ la ricjece che e anime lis interpretazions di chescj zovins di nonante agns. Ce che al è plui sorprendent al è che cuant che si cjatin a sunâ insiemi a dan ancjemò la impression che e sedi simpri la prime volte. Cuntune atenzion particolâr aes gjenerazions plui zovinis che e je tipiche de de associazion udinese dai Amîs de Musiche, la serade si vierzarà cul duet di piano di Sara Rigo e Alessio de Franzoni. (A.I.) – 12.01.2026