Dopo il sucès li dal teatri liric “Giuseppe Verdi” di Triest, al rive al “Giovanni da Udine” la “Cenerentola” di Gioachino Rossini, componude intal 1817 su libret di Jacopo Ferretti, che si jere ispirât ae flabe di Charles Perrault. Il spetacul colorât e vivarôs al sarà in sene sabide ai 25 cu la Orchestre dal Teatri liric direte di Enrico Calesso, che di agns al puarte indevant une ricercje costante sul repertori di Mozart e di Rossini, e la Corâl preparade di Paolo Longo. La regjie e je firmade di Paolo Gavazzeni e Piero Maranghi, sperimentadôrs ecletics de art de Scjale di Milan ae television. Il spetacul al sarà precedût vinars ai 24 aes 5.30 dopomisdì de conference “Dalla scarpetta allo smaniglio” par cure dal regjist e autôr radiofonic Andrea Merli. (A.I.) – 24.05.2024
Foto di F. Parenzan
