Friûl scufiotât dal brut timp pal secont dì di seguit

Maltimp fuart îr di sere su dute la regjon indulà che a son stâts temporâi fuarts cun bugadis di aiar che a àn fat cetancj dams e pompîrs sot pression. A son stâts 250 i intervents di jutori urgjent in dut il Friûl-Vignesie Julie intes ultimis 24 oris.

Cuasi simpri a son stâts inagaments e colade di arbui: 134 intervents intal teritori dal Comant di Udin, 60 in chel di Triest, 50 a Pordenon e 6 a Gurize. Par cumò la situazion e je tornade normâl ancje se a Udin a son ancjemò passe cuarante clamadis in spiete. (a.d.g.) – 11.06.2024